Madaxweynaha Hirshabelle Mudane Cali Guudlaawe ayaa maanta Magaalada Muqdisho kula kulmay Safiirka Dowladda Isutagga Imaaraatka Carabta u fadhiya Somalia Danjire Ahmed Jumca Al-Rumeysi
Madaxweynaha iyo Danjiraha ayaa ka wadahadlay guud ahaan xaaladaha Hirshabelle gaar ahaan amniga, howlgallada lagu ciribtirayo kooxda alshabaab ee ka socda deegaanada Hirshabeelle oo guulo muhiim ah laga gaaray.
Cali Guudlaawe ayaa sidoo kale kala hadlay danjiraha dardar galinta Mashaariicda horumarinta ee dowlada Imaaraadku ka wado Soomaaliya gaar ahaan degaanada Hirshabelle ee dhowaan laga saaray Al-Shabaab.
Safiirka Dowladda Isutagga Imaaraatka Carabta u fadhiya Somalia Danjire Axmed Jumca Al-Rumeysi ayaa sheegay in dowladiisu ay taageereyso howlgalada ka socda dalka.
Waxaa uu balan-qaaday iney mashaariic horumarineed oo taageero ah ka bilaabi doonaan degaanada Al-shabaab lagala wareegay, ayna sii xoojin doonaan kuwii horey u socday.
Xafiiska Shabakada Allbanaadir.com
Muqdisho Somalia
Allbanaadir@live.com
