Xukuumada dalka Jabuuti ayaa si kulul u cambaareesay muwaadiniin u dhalatay dalkaasi oo lagu dilay rabshado xoogan oo maalintii Axada ka dhacay magaalada Diri-dhaba ee dalka Itoobiya .
War-Saxaafadeed ka soo baxay Xafiiska Ra’iisul Wasaaraha dalka Jabuuti ayaa lagu sheegay in dowlada Jabuuti ay ka xun tahay si kululna u cambaareeneyso muwaadiniinteeda lagu dilay magaalada Diri-dhabe .
Dowlada Jabuuti ayaa sheegtay in ay la xariirtay Dowlada Itoobiya kadib markii muwaadintooda la dilay, waxaana qoraalka Ra’isul Wasaaraha lagu sheegay in Itoobiya ka codsadeen in la xaqiijiyo amaanka muwaadiniintooda .
Xukuumada Jabuuti ayaa muwaadiniintooda ku war galisay in ay ka fogaadaan goobaha ay ka socdaan rabshadaha , waxa ayna Xukuumada Jabuuti sheegtay in ay bilaabi doonto daad gureynta muwaadiniintooda ku sugan goobah ay rabshadaha ka socdaan.
Rabshado u dhaxeeya Soomaalida iyo Oromada oo ka dhacay magaalada Diri-Dhabe ayaa saameyn ku yeeshay muwaadiniinta Jabuuti, waxaana halkaasi lagu dilay dad badan oo Jabuuti kasoo jeeda.
Xafiiska Shabakada Allbanaadir.com
Muqdisho Somalia
Allbanaadir@live.com
