Akari u dhashay dalka Ukraine oo uu dhaawac kasoo gaaray dagaalka ay kula jiraan ciidamada Ruushka ayaa qeybo kamid ah jirkiisa laga soo saaray firirka bambaano la sheegay in aysan qarxin.
Dhaqaatiirta gaarka ah ee ciidamada milatariga Ukraine ayaa baaritaano ay ku sameeyeen askariga ku ogaadeen in jirkiisa ku jiraan firir,waxaana qaliin lagu sameeyay askarigaasi laga soo saaray firirka bambaano aan qarxin.
Wasiir-ku-xigeenka Difaaca ee dalka Ukraine, Hanna Maliar ayaa qoraal ay soo dhigtay Barta Telegram ku sheegtay in askariga laga soo saaray bam noociisu ahaa VOG grenade oo aan weli qarxin .
Waxay sheegtay wasiirka in askariga lagu sameeyya qaliin guuleestay oo looga soo saaray firirka bambaanada ee jirkiisa ku jirtay, waxa ayna xustay in askariga loo diray nasiino si uu baxnaano usoo qaato.
Askariga firirka jirkiisa ku jiray ayaa muuqaal X-Ray oo la baahiyey ayaa waxa ka muuqday humaaga gumaca bamka ee laga soo saaray jirka askariga, waxaana xaalada askariga hadda lagu sheegay mid soo hagaageysa.
Xafiiska Shabakada Allbanaadir.com
Muqdisho Somalia
Allbanaadir@live.com
