Warbixin Sanadeedka ay soo saarto hay’adda caalamiga ee Global Fire Power (GFP) ee qiimaysa awoodaha ciiddan ee dalalka Caalamka, ayaa soo bandhigtay dalalka xilligan dhinaca milatariga ugu awooda badan Afrika iyo kuwa ugu liita.
Hay’addan ayaa qiimeyn isbarbar-dhig ah ku samaysay dalalka Afrika kuyaalla marka loo eego dhinaca milatariga, waxaana kaalinta koobaad ku jira dalalka dhinaca milatariga ugu awoodda badan Afrika dalka Masar.
Qiimaynta sannadlaha ee hay’addu sameyso ayey sannadkan 2023-ka ku soo bandhigtay 38-ka Waddan ee ugu awooda badan Milliteriga dalalka Afrika, waxaana jira dalal hoos u dhac ku yimid awoodda milatariga halka kuwa kalana ay sarakac sameeyeen.
Soomaaliya ayaa sannadkan qiimeynta ka gashay kaalinta 37-aad, waxaana hay’adda xustay in Soomaaliya dhinaca milatariga kaga awood badan tahay dalka Benin oo noqday dalka ugu liita awood ahaan qaarada Afrika.
Qaarada Afrika oo ka kooban 54-dal ayaana qiimeynta hay’adda shaacisay ku sameesay 38-dal, waxaana dalalka geeska Afrika kuyaalla ugu awoodda badan dalka Itoobiya oo sidoo kale qaarada Afrika ka noqday numberka shannaad ee ugu awoodda badan.
Halkan ka Akhriso liiska Waddamada ugu awooda badan Afrika
Xafiiska Shabakada Allbanaadir.com
Muqdisho Somalia
Allbanaadir@live.com
