Maleeshiyaad hubeesan oo u abaabulan qaab beeleed ayaa maanta weerar ku qaaday xarunta degmada Kaxda ee gobolka Banaadir, waxaana halkaasi ka dhacay iska hor imaad u dhaxeeyay ilaalada xarunta iyo maleeshiyaadka hubeesan.
Sida aan wararka ku helnay maleeshiyaadka weerarka ku qaaday xarunta degmada Kaxda ayaa ka carreesan gabar ku jufo ah oo laga qaaday xilka aggaasimaha caafimaadka ee degmadaasi.
Wararka aan heleyno ayaa sheegaya in maleeshiyaadka hubeesan gudaha u galeen xarunta degmada , waxaana halkaasi marraka qaar laga maqlayaa rasaas u dhaxeysa ciidamada ammaanka iyo maleeshiyaadka hubeesan.
Taliska booliiska gobolka Banaadir ayaa wararku sheegayaan in ciidamo gurmad ah u direen xarunta degmada Kaxda ee weerarka lagu qaaday, waxaana la filayaa in halkaasi sidoo kale gaaraan saraakiil iyo masuuliyiin arrintan xal u raadinaya.
Malamihii lasoo dhaafay ayaana laga dareemayay degmada Kaxda xiisada ka dhalatay xil ka qaadista guddoomiyaha degmada ku sameeyay madaxii caafimaadka ee degmadaasi, waxa ayna arrintaasi maanta keentay in dagaal toos ah ka dhaco xarunta
Xafiiska Shabakada Allbanaadir.com
Muqdisho Somalia
Allbanaadir@live.com
