Waxaa soo baxaya faahfaahino kala duwan oo ku saabsan dagaaladii saaka ka dhacay degaanka Hiloele gaab ee gobolka Sh/dhexe kaasoo dhexmaray ciidamada dowlada iyo dadka degaanka oo dhinac ah iyo Al-Shabaab.
Dagaalka oo ay soo qaadeen Al-shabaab ayaa ku bilowday qaraxyo gaadiid laga soo buuxiyey, ka dibna waxaa xigay iska horimaad aan waxba la iskula harin oo la isku adeegsaday hub kala duwan.
Wararkii ugu dambeeyey ayaa sheegaya in Al-Shabaab ay weerarka kula wareegeen degaanka Hilowle Gaab ee Gobolka Shabeellaha Dhexe, balse Ciidamada dowladda oo gurmad helay ayaa dib ula wareegeen degaanka barqanimadii maanta.
Waxaa la soo sheegayaa inuu jiro khasaaro qaraxyada ka soo gaaray Ciidamada dowladda iyo kuwa degaanka ee ku sugan degaanka Hilowle Gaab ee Gobolka Shabeellaha Dhexe.
Sidoo kale xoogaga Al-shabaab ayaa dhinacooda laga soo werinayaa inuu jiro khasaare badan iyo meydad daadsan goobaha lagu dagaalamay, waxaana weli xaalad kacsanaan ah laga dareemayaa degaankaas.
Xafiisaka Shabakada Allbanaadir.com
Muqdisho Somalia
Allbanaadir@live.com
