Warar goordhaw aan helnay ayaa sheegaya in qarax ismiidaamin ah oo loo adeegsaday gaari waxyaabaha qarxa laga soo buuxiyay uu ka dhacay bar-koontarool oo kuyaala degmada Afgooye ee gobolka Shabeelaha Hoose.
Gaari Homy ah oo laga soo buuxiyay waxyaabaha qarxa ayaa lagu weeraray bar koontarool ay ku sugnaayeen ciidanka booliiska Soomaaliya oo ku dhaw halka loo yaqaan Baar Ismaaciil ee Degmada Afgooye.
Weerarkan Ismiidaaminta ah waxaa ka dhashay khasaaro isugu jira dhimasho iyo dhaawac oo soo gaaray ciidanka dowlada iyo sidoo kale dad shacab ah oo ku sugnaa goobta la qarxiyay.
Laamaha amaanka dowlada Soomaaliya iyo maamulka gobolka Shabeelaha Hoose ayaan wali faah faahin badan ka bixin qaraxan Ismiidaaminta ah ee ka dhacay degmada Afgooye iyo Khasaaraha ka dhashay.
Waxii Warar ah ee kusoo kordha qaraxan kala soco Wararkayaga Dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
