Ciidamada XDS iyo kuwa degaanka ayaa maanta Al-Shabaab ka saaray Tuulada Hilowle gaab oo ah Tuuladii u dambeysay gobolka Shabeelaha Dhexe ay ka joogeen kooxdaas
Tuulada Hilowle gaab ayaa waxay ku taalla Xuduuda Galgaduud iyo Sh/dhexe, waxayna u dhexeysaa degaanada Mesegewaay Ruun Nirgood iyo Masagawaay
Saraakiisha ciidamada ayaa sheegay in Tuulada Hilowle gaab aysan ka dhicin wax dagaalo ah ka dib markii ay isaga baxeen Al-Shabaab oo ka war helay duulaanka ku soo wajahan.
Gudoomiyaha gobolka Sh/dhexe Axmed Mayre Makaraan ayaa gaaray tuulada Hilowle gaab wax yar ka dib markii ay gaareen ciidamada XDS iyo kuwa degaanka oo iskaashanaya.
Guud ahaan Gobolka Sh/dhexe ayaa waxaa gacanta ku haya ciidamada xoogga dalka iyo kuwa hubeysan ee degaanka, waxaana haatan wixii ka dambeeya ay ciidamadu sheegeen iney ku wajahan yihiin degaanada Al-shabaab ka joogaan gobolka Galgaduud.
Xafiiska Shabakada Allbanaadir.com
Muqdisho Somalia
Allbanaadir@live.com
