Qarax ayaa lagu soo waramayaa in uu qabsaday markab Xamuul oo marayey meel ka baxsan xeebaha dalka Turkiga, waxaana qaraxan ka dhashay khasaaro soo gaaray qaar kamid ah shaqaalihii markabka la socday.
Qoraal kasoo baxay wasiirka wasaaradda socdaalka dalka Masar, Soha El-Gendy ayey ku xaqiijisay qaraxa qabsaday markabka, waxa ayna sheegtay in 14-qof oo badmaaxayaal ah ku dhaawacmeen qaraxa ,kuwaa ay tilmaantay in qaarkood xaalkooda culus yahay.
Wasiirka ayaa sidoo kale sheegtay in kabtankii markabka qaraxa haleelay Xusaam Taabit oo u dhashay Masar la la’ yahay raqdiisa iyo ruuxiisaba, waxa ayna xustay in ay socdaan howlgalo la iska kaashanayo oo lagu baadigoobayo.
Markabka qaraxa haleelay oo lagu magacaabo BEATA, oo uu ka dul babanayey Calanka dalka Panama ayaa waday shixnad dhuxul ah, waxa uuna Qaraxu ku qabsaday badda madow (Black Sea), gaar ahaan meel ka baxsan Xeebaha dalka Turkiye.
Xafiiska Shabakada Allbanaadir.com
Muqdisho Somalia
Allbanaadir@live.com
Muqdisho Somalia
Allbanaadir@live.com
