Madaxweynihii hore ee Koonfur Galbeed Shariif Xassan Shiikh Aadan ayaa ku eedeeyey Madaxweynaha xilka haya ee maamulkaas C/casiis Laftagareen inuu bilaabay dagaalka ka socda magaalada Baydhabo.
Shariif Xassan oo shir jaraaid ku qabtay magaalada Muqdisho ayaa sheegay in Laftagareen uu horey isu hortaagay in si cadaalad ah loogu tartamo doorashaii xubnaha golaha shacabka haatana uu bilaabay inuu daadiyo dhiiga shacabka.
“Waxaan aad uga xumahay dagaalka maanta ka socdo Magaalada Baydhabo, mana aheyn wax ay istaahilaan reer Koonfur Galbeed’ ayuu yiri Shariif Xassan oo intaas ku daray in Laftagareen lagula xisaabtamayo dhbaatada uu ka geystay Koonfur Galbeed isagoo ugu baaqay inuu kursiga baneeyo inta ay goori goor tahay.
“Waxaan leeyahay Madaxweynaha Muddo Xileedkiisa dhamaadey Dadka ha isku laaynin, in shacab la laayo kursi laguma heysan karo” ayuu yiri Shariif Xassan
Waxaa uu ugu baaqay Madaxweyne Xassan Shiikh inuu la xisaabtamo madaxweyne Laftagareenm kana qaado talaabo adag.
“Waxaan leeyahay DFS, gaar ahaan Madaxweynaha jamhuuriyadda adigaa ah sharci ilaaliyaha dalkaan, waxaa lagama maarmaan ah in dhacdadaan iyo gafkaan maanta baydhabo ka dhacay laga hadlo lalana xisaabtamo dadka geystey Fal-dambiyeedkaan” ayuu Shariif Xassan.
HOOS KA DAAWO HADALKA SHARIIF XASSAN
