Wararka ka imaanaya degmada Mahadaay ee gobolka Shabeelaha Dhaxe ayaa sheegaya in duleedka degmadaasi qarax ka dhacay lagu dilay sargaal ciidan oo katirsanaa milatariga Soomaaliya iyo qaar kamid ah ilaaladiisa.
Sargaalka la dilay oo lagu magacaabayay laba Xidigle Cabdirashiid Axmed Cabdulle ayaa ku dhintay qarax miino oo haleelay gaari Dagaal uu la socday oo marayay inta u dhaxeysa degmooyinka Mahadaay iyo Jowhar.
Qaraxa miino ayaa sidoo kale wararka aan heleyno sheegayaan in ay ku dhinteen afar askari oo katirsanaa ilaalada sargaalka la dilay, waxaa sidoo kale jira askar kale oo qaraxan ku dhaawacmay.
Taliska ciidanka milatariga Soomaaliya iyo maamulka Hirshabelle ayaan wali ka hadlin qaraxan ka dhacay duleedka Mahadaady ee lagu dilay sargaalka ciidan iyo qaar kamid ah ilaaladiisa.
Xafiiska Shabakada Allbanaadir.com
Muqdisho Somalia
Allbanaadir@live.com
