Qarax ay Mooto bajaaj ku wateen rag ka tirsan Al-Shabaab ayaa ka dhacay degmada Kaaraan ee magaalada Muqdisho
Saddex nin oo la aaminsan yahay iney ka tirsan yihiin Al shabaab ayaa Mooto Bajaajtu kula qaraxday meel aan ka fogeyn xarunta degmadda Kaaraan ee magaalada Muqdisho.
Goob joogayaal ayaa sheegay in Mid ka mid ah saddexda nin uu dhaawac halis ah soo gaaray qaraxa ka dib, uuna ku qeylinayey in badbaadiyo.
Hase ahaatee Ciidamada  oo goobta soo gaaray ayaa dilay ninkaas ka dib markii uu soo la baxay bastoolad uu watay xili ay isku dayayeen iney goobta ka qaadaan oo ay geeyaan goobaha Caafimaadka.
Wararka ayaa sheegaya iney labadii kale ee la socotay ay Qaraxa Mootadda kadib ka baxsadeen, waxaana baadi goobaya ciidamada amaanka DF, warar aan la xaqiijin ayaa sheegaya in midkood la qabtay.
Xafiiska Shabakada Allbanaadir.com
Muqdisho Somalia
Allbanaadir@live.com
