Maxkamadda ciidamada qalabka sida ee Soomaaliya ayaa maanta xukun dil ah ku riday Maxamed Cabdulle Nuur Abkow oo ahaa sargaal ciidan hore, kaa oo lagu helay in uu fududeeyay weerar Al Shabaab ku galeen garoonka Aadan Cadde.
Ninkan xukunka dilka ah lagu riday ayaa ka tirsanaa milatariga Soomaaliya in ka badan toban sanno, waxaana ninkan oo ahaa sargaal ciidamada isaga haray 2018-kii xilligaa oo ciidamada diiwaangelin cusub loo sameenayay.
Sargaalkan ayaa sannadkii 2017 kii ayay xafiiska xeer ilaalinta iyo hay’adda Nabad Sugidda Cadeeyeen in uu bilaabay la shaqaynta Alshabaab, waxa uuna u qaabilsanaa gudbinta gawaarida qaraxyada ah ee ay Al Shabaab ku weerari jirtay Muqdisho.
Ninkan oo saraakiishii uu la shaqeenayay qaarkood shaki badan ka qabeen ayaa la sheegay in bishii September 19 keedii 2019kii  lagu helay in uu qarax geeyay xarunta ururka 38 Aad Ee degan Villa Baydhabo.
Maxkamadda ayaa sheegtay in Maxamed Abkow 23 kii March sannadkan ku geliyay gaarigiisa garoonka diyaaradaha laba nin oo ka tirsan Al Shabaab, kuwaa weerar ku galay garoonka kuna dilay Cabdirisaaq Aabi Cali oo kamid ah ciidankii ragaasi la dagaalamaya.
Guddoomiyaha maxkamadda darajada koowaad ee ciidamada qalabka sida Gaashaanle Sare Xasan Cali Nuur Shuute ayaa ku riday xukun dil ah Maxamed Cabdulle Nuur Abkow, oo ah qisaasta askarigii ku dhintay weerarkii garoonka Aadan Cadde.
Xafiiska Shabakada Allbanaadir.com
Muqdisho Somalia
Allbanaadir@live.com
