Dowladda Mareykanka ayaa cunaqabateyn adag kusoo rogtay ganacsade caan ah oo u dhashay dalka Turkiga, kaa oo lagu eedeeyay in uu howlgaliyay shabkaad ganacsi oo maamuleysay saliid laga keenay dalka Iran.
Sitki Ayan ayaa dowladda Mareykanka sheegtay in uu maamulayay masuulna ka ahaa shabakad ganacsi oo suuqa galisay saliid lagu qiimeyey boqolaal milyan oo dollar oo ay leeyihiin Ilaalada Kacaanka Iran.
Wasaaaradda maaliyadda Mareykanka ayaa qoraal ay soo saartay ku shaacisay in liiska dad cunaqabateyn la saaray ay ku jiraan ganacsade Sitki Ayan, wiil uu dhalay iyo sidoo kale sargaal oo ganacsigiisa maamulayay.
Mareykanka ayaana xayiraad saaray hanti kasta oo ganacsadahan iyo xubnaha kalle ka taalla dalka Mareykanka, waxaa sidoo kale laga mamnuucay inay galaangal ku yeeshaan suuqyada maaliyadeed iyo ganacsiga adduunka.
Ayan ayaa lagu eedeeyay in uu gacan ka gaystay in lacagta kasoo baxday iibka uu gaarsiiyo Ilaalada Kacaanka ,sidoo kale isticmaalay shabakadda shirkadihiisa ASB Group ee ka diwaan-gashan Gibraltar si uu u qariyo asalka saliidda iyo halka ay ku socoto lacagta.
Ganacsade Ayaan ayaa kamid ah ganacsatada ugu caansan dalka Mareykanka, waxaana ganacsadahan la sheegay in uu kamid yahay saaxiibada ku dhaw dhaw Madaxweynaha Turkiga Rajeb Tayib Erdogan.
Xafiiska Shabakada Allbanaadir.com
Muqdisho Somalia
Allbanaadir@live.com
