Qaramada Midoobay ayaa xaqiijisay jiritaanka cadaymo muujinaya adeegsiga hubka Kiimikada oo ay adeegsadeen kooxdii la magac-baxday dowladda Islaamka ee maamuli jirtay degaano ka tirsan Ciraaq intii u dhaxeysay sanadihii 2014 iyo 2019.
Khubaro QM u xilsaartay baaritaankan ayaa sheegay in kooxda ISIS ay ay soo saartay gantaallo, hoobiye kiimiko ah, rasaas kiimika ka smaeysan baasuukayaal, madaxyo kimiko, iyo qalab kiimiko ah oo kuwa qarxa.
Baarayaasha waxay xooga saareen baaridda weerar ka dhacay magaalada Taza Khurmato ee dalka Ciraaq 8 March, 2016.
Waxay xaqiijiyeen inay ururiyeen caddaymo badan oo ay ku jiraan diiwaanka mushahaarka dagaalyahanadii ISIS iyo kuwoi kale oo wax ku ool ah.
Warbixintu waxay diirada saartay dhibaatooyinka caafimaad ee wali haysta dadka deggan Taza Khurmato, taasi oo ay ka mid yihiin cudurrada daba-dheeraada, kansarka, iyo dhibaatooyinka la xiriira caafimaadka taranka. kuwaasoo ay sabab u yihiin hubka halista ah ee loo isticmaalay.
Xafiiska Shabakada Allbanaadir.com
Muqdisho Somalia
Allbanaadir@live.com
