Cudurka Jadeecada ayaa ka dillaacay Maraykanka, kaas oo ku sii badan Gobollada ay Soomaalidu ku badan tahay sida Minnesota iyo Ohio.
Gobolka Ohio illaa iyo haatan waxaa laga helay illaa 50 qof oo uu ku dhacay xanuunka Jadeecadu, waxaana taasi keentay in la xiro qaar ka mida iskuulada iyo weliba goobaha caruurta lagu xanaaneeyo.
Sida wararku sheegayaan, 20 ka mid ah, 50-ka qof ee xanuunkan laga helay ayaa la dhigay cusbitaalada gobolka Ohio, sida ay sheegtay waaxda caafimaadka ee magaalada Columbus.
Saraakiisha Caafimaadka ayaa wada dedaalo lagu doonayo in cudurkaas faafidiisa hoos loogu dhigo, waxaana socoto wacyi gelin la xiriirta cudurkaas iyo sababaha uu ku faafo si looga digtoonaado.
Sababaha cudurkan uu ugu badan yahay gobolada ay soomaalidu ku badan tahay ayaa lagu sheegay iney tahay qoysaska Soomaalida oo badanaa aan caruurtooda ka talaalin cudurkan, iyagoo aaminsan in talaalku uu leeyahay saameyn kale uuna sababo taran la’aan ma dhaleysnimo.
Xafiiska Shabakada Allbanaadir.com
Muqdisho Somalia
Allbanaadir@live.com
