(Sawirro) Baarlamanka Galmudug oo go’aano soo saaray & Xildhibaano cusub oo..

Guddiga Joogtada ee Golaha Baarlamaanka Galmudug Fadhigiisa 2aad ayaan maanta Shir-guddoomiyey isaga oo ka dooday Ajandaha;

1. Dhameystirka Jadwal-hawleedka Kalfadhiga 6aad.
2. Dhaarinta laba Xildhibaan oo Cusub.

Ugu horreyn waxaa Xubin-nimada Baarlamaanka 2aad ee Galmudug loo dhaariyey Mudanayaasha kala.ah;

1. Xil. Maxamed Warsame Cabdi.
2. Xil. Cabdixakiim Cali Guure.

Guddiga ayaa ugu Hambalyeeyey Xilka cusub ee loo dhaariyey Mudanayaasha, una rajeeyey in Alle u fududeeyo Mas’uuliyadda Culus ee loo igmaday.

Guddiga ayaa ka dooday kadibna qiimeeyey Xaaladda guud ee deegaanada Galmudug iyo Duruufaha ku hareeraysan Xildhibaanada oo ay ka midyihiin;  Dagaalka lagula jiro alshabaab, Abaaraha saameeyay Deegaanada Galmudug, Dhismaha Golayaasha Deegaanka iyo Dawrka Baarlamaanka.

Dood iyo falanqeyn kadib Guddiga ayaa soo saaray Go’aanadan;

1. In Kalfadhiga 6aad ee Golaha oo furnaa muddo bil ah la xiro laga bilaabo Maanta 04/12/2022.
2. In Qorshaha ka dhiman Jadwal-hawlwedka Kalfadhiga 6aad dib loogu dhigo Kalfadhiga 7aad.
3. In Goluhu galo Fasax dhan laba bil, laga bilaabo 05/12/2022.
4. In Hawlaha deg-dega ah ay sii wadaan Guddiga Joogtada Muddada u dhaxeysa labada Kalfadhi.
5. In Kalfadhiga 7aad uu furmo bisha Febaraayo 2023.

Guddiga ayaa guul u rajeeyay Xildhibaanada ku sugan Furumaha hore ee Xoreynta Alshabaab iyo kuwa ku Hawlan dhismaha Golayaasha deegaanka iyo daadejinta adeegyada Dawladda.

Xafiiska Shabakada Allbanaadir.com
Muqdisho Somalia
Allbanaadir@live.com