Xulkii ugu horeeyey oo u gudbay Wareega 8 Dhamaadka Koobka Aduunka (Sawirro)

Xulka Netherland (Orange team ) oo u Soo baxay Wareega 8 Koobka Aduunka 2022 ka dib markii ay 3-1 ku jiireen Xulka USA (Coach Vangaal iyo Xulkiisa Netherlands waxa ay ku haminayaan inay Maraan wadadii 2010 Koonfur Afrika.

Xidigaha Netherland ayaa kukankii ugu horeeyay lugta 16 Koobka Aduunka 2022 waxa ay 3-1 ku mareen Xulka USA oo fursado iska.lumiyay intii ciyaartu socotay waxaana Xulka lagu neynaas (Orange) ay u gudbeen Wareega 8 iyagoo sugaya Xulalka Argentina iyo Australia tii Soo baxda caawa Hadii Alle idmo.

Tababare Vangaal ayaa wacad ku maray in Koobkaan uusan uga Soo hari doonin meel dhow Isla markaana xulkaan uu garsiin doono wadadii uu finalka ee uu gaarsiiyay 2010.

“Marka aad la ciyaarto koox leh tayadaas oo kale ah oo aad siiso saddex, afar fursadood, waxay ku soo baxayaan seddex ama afar,” kabtanka Mareykanka Tyler Adams ayaa yiri. “Waxaan muujin karnaa inaan la socon karno qaar ka mid ah kooxaha ugu fiican adduunka, qaar ka mid ah ciyaartoyda ugu fiican adduunka, taasina waa horumar badan oo kubada cagta Mareykanka ah. Waxaan u soconaa jihada saxda ah, hubaal, laakiin waxaan u baahanahay inaan sii wadno riixitaanka, sababtoo ah weli ma joogno halkaas. Laakiin waan dhownahay.” ayuu intaas ku daray.

Si la mid ah 2010kii oo ay wajaheen Ghana iyo 2014kii oo ay wajaheen Belgium, Mareykanka ayaa lagu reebay wareega 16ka. Mareykanka ayaan wax guul ah gaarin 12 kulan oo ay la ciyaareen kooxaha Yurub koobka adduunka tan iyo 2002, waa laga badiyay lix, waxayna 1-7 ku kala baxeen. wareegyada knockout ee tartanka.

“Waxaan u maleynayaa inaan sameynay xoogaa horumar ah,” tababaraha Mareykanka Gregg Berhalter ayaa yiri. “Marka ay dadku eegaan kooxdayada, waxay arkaan aqoonsi cad. Waxay arkaan tayada garoonka dhexdiisa. Horumar ayaanu samaynay, laakiin habeenkan gaarka ah waanu ka gaabinay.”