Zambia ayaa sheegtay iney iibineyso diyaarad gaar ah oo uu lahaa madaxweynihii hore ee dalkaas Edgar Lungu taasoo uu iibsaday bilihii u dambeeyay ee uu xafiiska joogay, iyadoo dayuuradan oo ah mid qaali ah ay hadal heyn ka dhalisay dalkaas markii la soo iibinayey.
Madaxweynaha xilka haya ee Zambia Hakainde Hichilema, ayaa sheegay inuu doonayo inuu dib u soo celiyo lacag gaareysa $193m (£160m), oo lagu soo iibiyey diyaaraddan oo nooceedu yahay Gulfstream 650.
“Lacag si xadka ka baxsan loo isticmaalay Ma taageereyno, sababtoo ah waxaan heli karnaa diyaarad awood leh, marka loo eego baaxadda, isku halaynta ku dhawaad​ ​20 milyan oo dollar,” ayuu yiri Hichilema ayaa Talaadadii ka sheegay hadalkani shir garsoor.
“Haddaba maxaa nagu kallifay inaan $193 milyan ku bixinno diyaaradani? Waxaan qeyb ka mid ah lacagtan ku ilaalin karnaa garsoorka, sidoo kale waxaan u soo iibin karnaa miisyo badan oo iskuulada loo adeegsado, waxaan sidoo kale maalgashan karnaa hal ama laba xaruumood oo ciidan” ayuu raaciyay.
Iibinta diyaaradda ayaan noqon doonin mid toos ah, maadaama ciidamada cirka ee Zambia ay sheegeen in diyaaradan aysan ahayn mid dadweyne, balse ay tahay hanti ciidan.
Xafiiska Shabakada Allbanaadir.com
Muqdisho Somalia
Allbanaadir@live.com
