Dowladda Mareykanka ayaa soo saartay go’aan ay dalkeeda uga mamnuucday iibinta iyo soo dejinta qalabka cusub ee ay soo saaraan shirkado dhinaca isgaarsiinta oo laga leeyahay dalka Shiinaha .
Mareykanka ayaa sheegay in sababo la xariira ammaanka in dalkeeda uga mamnuuceen in lasoo galiyo laguna iibiyo qalabka casriga ah ee la xariira dhinaca isgaarsiinta iyo tiknoolajiyada ay soo saareen shirkadaha laga leeyahay dalka Shiinaha
Shirkadaha waa weyn ee qalabkooda la mamnuucay dalka Mareykanka waxaa ku jira shirkadaha Huawei ee telfoonada soo saarta iyo shirkadda kale ZTE, shirkadahan ayaana suuq weyn ku lahaa dalka Mareykanka oo la geyn jiray wax soo saarkooda.
Shirkadaha kale ee liiska ku jira waxaa ka mid ah Hikvision, Dahua iyo Hytera, kuwaas oo dhammaantooda sameeya qalabka kamarooyiinka ammaanka iyo qalabka kale ee isgaarsiinta casriga.
Go’aankan kasoo baxay Mareykanka ayaa noqonaya mid saameyn ku yeesha wax soo saarka shirkadahan wax soo saarkooda Mareykanka laga manuucay , waxaana suurto gal ah in khilaaf dhinaca wax is dhaafsiga ganacsiga ka dhax bilowdo Shiinaha iyo Mareykanka.
Xafiiska Shabakada Allbanaadir.com
Muqdisho Somalia
Allbanaadir@live.com
