Xoogaga Al-shaaab ayaa si nabadgelyo ah ula wareegay deegaanka Tarajante ee duleedka degmada Baladweyne oo ay gacanta ku hayeen ciidamada dowlada.
Deegaanka Tarajante ayaa masaafo gaareysa 30km oo kaliya bari ka xiga magaalada Baladweyne ee xarunta gobolka Hiiraan.
Sawirro lagu faafiyey baraha bulshada ayaa waxaa ka dhex muuqday xoogaga Al-shabaab oo sii galaya gudaha degaanka.
Saraakiisha Alshabaab ayaa kulamo la qaatay dadka ku dhaqan degaanka Tarajante iyagoo ugu hanjabay in cid kasta oo la shaqeysa ciidamada DF ay ciqaabi doonaan sida laga soo xigtay dadka degaanka
Wasiirka Waxbarashada Hirshabeelle oo labo cisho ka hor gaaray deegaanka Tarajante ee gobolka Hiiraan ayaa ugu baaqay dadka deegaanka inay dhulkooda ka difaacdaan kooxaha Al shabaab.
Al-shabaab ayaa horey ula wareegtay deegaanada CaliGaney, NuurFanax Booco iyo Burdaar oo dhamaantood ku yaalla bariga Hiiraan.
Xafiiska Shabakada Allbanaadir.com
Muqdisho Somalia
Allbanaadir@live.com
