Ciidamo fara badan oo wata illaa 30 gaadiidka dagaalka ah oo ay horkacayaan masuuliyiin ka tirsan dowladda Soomaaliya ayaa gaaray deegaanka Qaayib ee Gobolka Galgaduud oo ka mid ah degaanadii dhowaan lagala wareegay Al-shabaab.
Saraakiisha ayaa sheegay in Ciidankan loogu talo galay in lagu xoojiyo howlgallada lagu doonayo in Al-Shabaab looga saaro gobolka Galgaduud.
Howlgalo cusub ayaa la filayaa in saacadaha soo socda laga bilaabo bariga gobolka Galgaduud oo weli qeybo ka md ah ay joogaan Al-shabaab.
Ciidamo dowladda iyo dadka degaanka ee hubka qaatay ayaa la wareegay degaano ku yaalla Bariga Gobolka Galgaduuda, sida Wabxo, Warxoolo & degaano kale inlkastoo ay dib uga soo baxeen sababo an illaa hadda la sheegin awgood.
Abaabulka ka dhanka ah Al-shabaab ee ka socda gobolada dhexe ee dalka ayaa u muuqda sii xoogeysanayaa, waxaana daqiiqad walba la filan karaa dagaalo cusub oo qarxa.
Xafiiska Shabakada Allbanaadir.com
Muqdisho Somalia
Allbanaadir@live.com
