Ciidamada xoogga dalka ayaa Al-shabaab kala wareegay Degaanka Ceel-Baraf ee gobolka Shabeellada dhexe iyo deegaano kale oo kooxdu in muddo ah ka talineysay
Gaashaanle Cali Yuusuf Macalim oo ka mid ah saraakiisha hoggaaimneysay howlgalka lagula wareegay deegaanka Ceelbaraf ayaa sheegay in Al-shabaab deegaankaan uu u ahaa marrin muhim u ah oo isaga kala gooshaan gobolada Hiiraan, Shabeellaha Dhaxe iyo Shabeellaha Hoose.
Xoogagii Al-shabaab ee ku sugnaa degaanka Ceel baraf ayaa isaga baxay markii ay ka war heleen duulaanka ku soo wajahan.
Saraaakiisha ciidamada ayaa sheegaya iney haatan degaanka Ceel baraf ka wadaan howlgalo miino baaris ah, ayna ciidamadu ka feejigan yihiin weerar rogaal celis ah oo laga fili karo Al-shabaab oo ku sugan meel aan sidaa uga fogeyn degaankaas.
Sidoo kale degaanada Caadley iyo Cali Fooldheere oo ka tirsan isla gobolka Sh/dhexe ayaa la sheegay iney ciidamada dowladu kala wareegeen Al-shabaab iyadoo aaney waxc dagaal ah ka dhicin.
Xafiiska Shabakada Allbanaadir.com
Muqdisho Somalia
Allbanaadir@live.com
