Al-shabaab ayaa saaka weeraray saldhiga ciidanka Gorgor ku leeyihiin degaanka Burdaar oo magaalada Baladweyne Koonfur ka xigta.
Rag la sheegay iney qaraxyo isku soo xireen ayaa marka hore xerada gallay, kadibna dagaal saacado socday ayaa dhacay halkaas kaasoo la isku adeegsaday hub kala duwan,
Ciidanka xoogga Dalka Soomaaliya ayaa fashilayay weerar gaadma ah oo ay khawaarijta Alshabaab saakay waabirigii kusoo qaadeen deegaanka Burdaar ee Gobalka Hiiraan.
Ilaa hadda ma jiraan warar madax madax banaan oo laga helayo khasaaraha ka dhashay weerarkaas, hase ahaatee War kasoo baxay dowladda Soomaaliya ayaa waxaa lagu sheegay in Ciidanka xoogga Dalka Soomaaliyeed ay fashiliyeen weerar gaadmo ah oo ay Al-Shabaab saaka waabirigii ku soo qaadeen degaanka Burdaar ee Gobalka Hiiraan.
Afhayeenka Wasaaradda Difaaca Soomaaliya Gen. Cabdullaahi Cali Caanood ayaa sheegay in Ciidanka oo helay xogta qorshaha Alshabaab ay ka hortageen weerarkaasi ayna dileen 12 kamid ah Khawaarijta Alshabaab.
Gen Caanood wuxuu sheegay in ciidamada xoogga dalka ay ka dhaawacmeen 3 Askari, hadana ay sii baacsanayaan firxadka kooxaha weerarka ku soo qaaday deegaanka Burdaar ee gobalka Hiiraan.
Xafiiska Shabakada Allbanaadir.com
Muqdisho Somalia
Allbanaadir@live.com
