Mid ka mid ah maraakiibta dalxiiska ugu waaweyn caalamka ayaa gaarey dalka Qadar oo 20ka bishan ay ka bilaabmi doonnaam ciyaaraha koobka adduunka.
Markabkan oo lagu magacaabo “MSC World Europe” ayaa ah mid ka kooban 10 dabaq oo ay ku yaallaan 2,633 qol, berkedihii dabaasha, 13 goobood oo lagu cunteeyo, suuq laga dukaamaysto iyo wax kasta oo looga baahan yahay hotel.
Tirada dadku uu qaadi karo ayaa lagu sheegay 6,000 oo dalxiiseyaal ah, waxaana uu joogi magaalada Doha tan iyo uu ka dhamaanayo koobka aduunka.
Markabkan ayaa qayb ka ah adeegyada loo qabanayo dadka ka soo qayb galaya cayaaraha halkaas ka dhici doona kuwaasoo kor u dhaafaya hal milyan oo ruux oo u badan taageeraal ka iman doona daafaha caalamka.
Xafiiska Shabakada Allbanaadir.com
Muqdisho Somalia
Allbanaadir@live.com
