Maxkamada Gobolka Banaadir ayaa maanta amartay in lasoo xiro labo sargaal oo katirsan ciidanka Booliiska Soomaaliya gaar ahaan laanta Dambi baarista CID-da.
Gudoomiyaha Maxkamada gobolka Banaadir ayaa maanta amray in lasoo xiro labo sargaal oo katirsan laanta Dambi baarista CID-da oo lagu kala magacaabo Maxamed Cabdi Axmad iyo Farxaan C/xakiim Mursal.
Saraakiishan la amray in lasoo xiro ayaa lagu soo eedeeyay in sifo sharci daro ah u mareen xarig dhawaan Muqdisho loogu geestay Agaasime Waaxeed katirsan Wasaaradda Gargaarka iyo Maaraynta Masiibooyinka oo lagu magacaabo Daahir Nuur Cali.
Maxkamada gobolka Banaadir ayaa saakay bilowday dhageysiga Dacwada loo heesto Daahir Nuur Cali oo agaasime Waaxeed ka ahaa Wasaarada Gargaarka iyo Musoobooyinka, waxaana agaasimahan lagu eedeeyay in uu lunsaday lacag badan.
Ciidamada booliiska ayaa habeen saq dhaxe waxa ay gurigiisa xoog uga soo saareen Daahir Nuur Cali oo lagu eedeeyay in uu lunsaday lacag ku dhaw Boqol kun oo Dollar, waxaana masuulkan xariga kadib kasoo taagay Maxkamada qaadeysa dacwadaha loo heesto.
Xafiiska Shabakada Allbanaadir.com
Muqdisho Somalia
Allbanaadir@live.com
