Dowladda Soomaaliya ayaa bilowday dagaal dhinacyo badan ah ay kula jirto Al Shabaab, waxaana dagaalkaasi qeyb ka ah kahor taga faafinta wararka iyo dacaadayada Al Shabaab ee inta badan lagu faafin jiray websetyada qaar iyo baraha bulshada.
Xukuumadda Soomaaliya ayaa hawada ka saartay websetyo Al Shabaab wararkooda ku faafin jireen, waxa ay sidoo kale dowladda hawada ka saartay baro badan oo bulshada ah sida Facebook iyo Twitter oo afkaarta Al Shabaab lagu faafin jiray.
Wasiir kuxigeenka warfaafinta xukuumadda Soomaaliya Cabdiraxmaan Al Cadaala ayaa uga mahadceliyay shacabka Soomaaliyeed sida ay mar walbo ay ula soo wadaagaan xogaha boggaga Al Shabaab sameestaan si ay afkaartooda ugu baahiyaan.
Waxa uu sheegay wasiirka iyaga oo ka faa’iideesanaya xogaha ay shacabka lasoo wadaageyn in si degdeg ah looga howl galay loona xiray baraha ay sameesteen Al Shabaab ee Facebook, Twitter iyo Tiktok.
Xafiiska Shabakada Allbanaadir.com
Muqdisho Somalia
Allbanaadir@live.com
