Ra’iisul Wasaaraha Xukuumada Federaalka Soomaaliya Mudane Hamza Abdi Barre ayaa xafiiskiisa ku qaabilay Wasiiradda Duulista ee heer Federaal iyo heer Dowlad Gobaleed oo maalmahaan magaalada Muqdisho ku lahaa shir ay soo agaasintay wasaaradda Duulista ee XFS.
Wasiirrada ayaa Ra’iisul Wasaaraha uga warbixiyey nuxurka iyo natiijadii kasoo baxday shirkii ugu soo gebageboobay magaalada Muqdisho oo ay uga wada hadleen qorshayaasha hor-tebinta leh ee wasaaaradaha.
Ra’iisul Wasaare Xamse ayaa ku amaanay wasiirrada wada-shaqeynta iyo isku xirnaanta ay muujiyeen mudadii uu shirka uga socday Muqdisho
Waxaa uu ku boorriyay inay joogteeyaan wadajirka si guul looga gaaro fulinta qorshayaasha hortebinta leh, adeegyada dowladeed ee wasaaraduhu bixiyaanna loo gaarsiiyo dhammaan dadka iyo deegaannada Soomaaliyeed.
Xafiiska Shabakada Allbanaadir.com
Muqdisho Somalia
Allbanaadir@live.com
