Dowladda Iran ayaa markii ugu horeesay qiratay in diyaarado nuuca aan duuliyaha laheyn ee fuliya duqeymaha siisay dowladda Ruushka, balse waxa ay Iran beenisay in hubkaasi loo adeegsaday duqeymo ka dhacay Ukraine.
Wasiirka arrimaha dibadda Iran, Hossein Amir-Abdollahian ayaa warbaahinta Iran u sheegay in Ruushka siiyeen diyaaradaha aan duuliyaha laheyn dhoor bil kahor inta aysan bilaaban duullaanka Ruuska ku qaaday Ukraine.
Waxa uu sheegay wasiirka arrimaha dibadda Iran in aysan heyn cadeemo muujinaya in diyaaradaha Iran siisay Ruushka ka qeyb galeen dagaalka ka socda Ukraine ayna geesteen duqeymo khasaaro geestay.
Dowladda Mareykanka ayaa ku eedeesay Iran in diyaaradaha aan duuliyaha laheyn Shahed-136 ama ‘Kamikaze’ ka qeyb qaateen duqeymaha Ruushka ka wado Ukraine, Mareykanka ayaa sidoo kale sheegay in la arkay burburka qeyb kamid ah diyaaradahaasi.
Xafiiska Shabakada Allbanaadir.com
Muqdisho Somalia
Allbanaadir@live.com
