Muuqaal shalay lasoo duubay oo lagu baahiyay baraha bulshada ayaa si weyn looga falceliyay, muuqaalkan ayaana lagu arkayay koox macawuusley ah oo ku dul caweeneysa meydadka xubno katirsan Al Shabaab oo lagu dilay deegaanka Ceel Hareeri .
Xildhibaan Maxamed Ibraahim Macalimuu oo katirsan xildhibaanada laga soo doortay Hirshabelle gaar ahaan gobolka Hiiraan ayaa dhaliilay hab dhaqanka macawuusleyda, gaar ahaan in meydadka rag la dilay dushooda ciyaar lagu dheelo.
Waxa uu sheegay xildhibaanka in dhaqan islaam iyo mid Soomaaliyeed aysan aheyn in meydadka dushooda lagu caweeyo, waxa uusa dghinaca kale soo dhaweeyay in lala dagaalamo oo la dilo Al Shabaab.
”Meydka Khawaarijta dushooda in jiibta iyo jaanta leysla helo, dhaqan Islaam iyo mid Soomaali intuba maaha. Dagaalku xeer buu leeyahay.Waa xaq in la laayo Shabaab. Guuleysta.” ayuu ku yiri Xildhibaan Macalimuu qoraal uu soo saaray.
Muuqaalka shalay iyo xalay lagu baahiyay baraha bulshada ayaana abuuray hadal heyn badan, waxa ayna ddaka qaar ku tilmaameyn falkaasi ay ku kaceen macawuusleyda in uu yahay mid aad u xun halka dad kalana ay taageero u muujinayeen.
Xafiiska Shabakada Allbanaadir.com
Muqdisho Somalia
Allbanaadir@live.com
