Wasiirka Arrimaha dibedda Xukuumadda Federaalka Soomaliya ayaa kulan kula qaatay caasimadda dalka Algeria ee Algiers, dhigiisa Arrimaha dibedda ee Dawladda Kuwait Sheikh Salem Abdullah Al-Jaber Al-Sabah.
Wasiirka Arrimaha dibedda Soomaaliya ayaa kala hadlay dhigiisa kuwait sidii Soomaaliya loo garab istaagi lahaa loogana caawin lahaa dhibaatada Al-shabaab ka geysteen magaalada Muqdisho, iska markaana loo gargaari lahaa dadka dhaawaca ah.
Sidoo kale Wasiirka ayaa dhigiisa Kuwait kala hadlay Cafinta deymanka Soomaaliya lagu leeyahay iyo sida ugu haboon ee Soomaliya uga faaâiidaysan karto kaalmada ay dawladda Kuwait ugu talo gashay horumarinta waxbarashada.
Labadda Wasiir ayaa sidoo kale ka wada hadlay adkaynta xiriirka iyo sidii loo sii wadi lahaa iskaashiga dhinacyada badan ee ka dhexeeya labada dal ee walaalaha ah.
Kulanka ayaa waxa Wasiirka Arrimaha dibedda Soomaaliya ku weheliyey safiirada Soomaaliya u kala fadhiya Masar, Algeria iyo Agaasimaha waaxda Carabta ee wasaaradda arrimaha dibedda iyo iskaashiga caalamiga ah.
Xafiiska Shabakada Allbanaadir.com
Muqdisho Somalia
Allbanaadir@live.com
