Wasaaradda Caafimaadka iyo daryeelka bulshada Soomaaliya oo ku amartay dhamaan Isbitaalada Muqdisho in Shacabka dhiiga ugu deeqaya walaalahood ay dhibaatada kasoo gaartay qaraxii Soobe u fududeeyaan habraacyada looga baahan yahay si ay u bixiyaan dhiigaga.
Isbitaalada magaalada Muqdisho ayaa inta badan saakay dad doonayay in dhiig u shubaan dhaawacyo yaalla isbitaalada xujo uga dhigay in ay bixiyaan lacago, waxa ayna arrintan carro ka abuurtay baraha bulshada.
Qoraal kasoo baxay wasaaradda caafimaadka ayaa ku amartay isbitaalada in ay joojiyaan lacagaha dadka ka qaadayaan , waxa ayna ku adkeynaysay isbitaalada in ay caawiyaan Shacabka Soomaaliyeed ee dhibaatadu soo gaadhay.
Wasaaradda ayaa sidoo kale ugu baaqday shacabka Muqdisho inay si degdeg ah u gaadhaan Isbitaalada danta guud ee Demartini, Benadir, Madiino iyo Ex-Digfeer oo diyaar u ah fududeynta howlaha gaarka Caafimaad.
Xafiiska Shabakada Allbanaadir.com
Muqdisho Somalia
Allbanaadir@live.com
