Qarax ayaa subaxnimadan waxaa uu ka dhacay qeybo ka mid ah degmada Hodan ee Magaalada Muqdisho kaasoo daryankiisa laga maqlay meelo badan.
Wararka ayaa sheegaya in qaraxan uu ka dhacay xaafada Galmudug ka dib markii uu qarxay gaari nooca raaxada ah oo lagu xiray bam loogu talo galay in lagu qaarajiyo dadkii watay oo gaarayey illaa 3 ruux.
Goob joogayaal ayaa sheegay in qaraxaas uu khasaare nafeed ka soo gaaray raggii watay kuwaasoo loola cararay goobaha Caafimaadka.
Weli ma cadda dadka dhaawacmay waxay ahaayeen inkastoo ay jiraan warar aan la xaqiijin oo sheegaya raga la socday gaarigan ay ahaayeen askar ka tirsan ciidamada dowlada.
Wixii ka soo kordha kala soco boggan saacadaha soo socda insha Allaah
Xafiiska Shabakada Allbanaadir.com
Muqdisho Somalia
Allbanaadir@live.com
