Warar lagu kalsoonaan karo oon helnay ayaa sheegaya in isbadalo muuqda lagu sameeyay Talisyadii ciidanka booliiska gobolka Banaadir iyo sidoo kale taliskii ciidanka Nabad sugida gobolka.
SIda aan xogta ku helnay waxaa meesha laga saaray jiritaanka taliska Ciidanka Nabad sugida gobolka Banaadir, waxaana ciidanka Nabad sugida gobolka la sheegay in ay u shaqeen doonaan qaab qarsoodi ah ama dhar cad oo toos ugu xiran taliska guud.
Saadaq Cumar Xasan (Saadaq John) oo horey u ahaa Taliyihii ciidanka Nabad sugida Gobolka Banaadir ayaa hada loo magacaabay in uu noqdo Taliyaha cusub ee booliska Gobolka Banaadir.
Sida aan wararka ku helnay Taliyihii hore ee ciidanka booliiska gobolka Banaadir Jen. Axmed Xasan Maalin ayaa loo magacaabay in uu noqdo taliyaha qeybta Guud ee Taraafikada Gobolka Banaadir.
Isbedeladan lagu sameeyay ciidanka Nabad sugida iyo booliiska gobolka Banaadir ayaa qeyb ka ah isbadalo dhinaca amaanka ah oo laga hergalinayo Muqdisho, waxaa sidoo kale dhawaan la filayaa in la sameeyo isbadalo kale oo dhinaca ciidanka ah.
Xafiiska Shabakada Allbanaadir.com
Muqdisho Somalia
Allbanaadir@live.comÂ
