Allaha u naxariistee Isbitaal kuyaala dalka Turkiga waxaa caawa ku geeriyooday Goolhayihii hore ee xulka Qaranka Soomaaliya Axmed Cabdulaahi (Axmed Yare) oo maalmihii lasoo dhaafay xanuunsanaa.
Geerida Goolhayihii hore ee xulka Qaranka Soomaaliya waxaa xaqiijiyay xubno eheladiisa iyo bahda Ciyaaraha kamid ah, waxaana Axmed Yare uu ku geeriyooday isbitaal loo geeyay daaweyn.
Goolhayihii hore ee xulka Qaranka Soomaaliya iyo kooxaha kubada cagta Elman iyo Jeenyo ayaa sanadihii lasoo dhaafay kunoolaa dalka Turkiga , waxa uuna Axmed yare sanado kahor kasoo bogsaday xanuun horey ula soo darsay oo Turkiga loo geeyay.
Bahda Ciyaaraha Soomaaliya ayaa si weyn uga naxay geerida naxtinta leh ee ku timid Axmed Yare, waxaana tacsida Xidigan Qaranka Soomaaliya soo matalay si weyn looga dareemay baraha bulshada.
Xafiiska Shabakada Allbanaadir.com
Muqdisho Somalia
Allbanaadir@live.comÂ
