Ra’iisul Wasaare Ku Xigeenka Dalka Mudane Salah Jama ayaa maanta xafiiskiisa shir kula yeeshay xubno kamid ah Golaha Wasiiradda Xukuumadda.
Shirkan ayaa oo looga hadlayey Isbadalka Cimilada Adduunka iyo saamaynta uu dalkeenna ku yeeshay.
Ra’iisul Wasaare Ku Xigeenka ayaa Wasiiradda ka dhagaystay warbixinno ku saabsan hawlaha Wasaarad walba ku leedahay Isbedelka cimilada iyo ilaalinta deegaanka.
Salah Jamac ayaa dhankiisa kula dardaarmay inay ka shaqeeyaan qaabkii Wasaarad walba uga qayb qaadan lahayd ilaalinta deegaanka oo shalay Madaxwaynaha Jamhuuriyadda Federaalka Mudane Xasan Sheekh Maxamuud uu daahfuray mashruuca dhiraynta dalka oo loogu magac daray Soomaaliya cagaaran oo dalkoo dhan dhir lagu beerayo.
Waxaa shirka qayb ka ahaa Wasiirada Wasaaradaha Maaliyadda, Qorshaynta, Deegaanka, Kalluumasiga iyo Khayraadka Badda, Xannaanada Xoolaha, Beeraha iyo Waraabka iyo Dhallinyarada iyo Ciyaaraha.
Shirkan ayaa ku soo beegmay xili ay dalka ka jiraan abaaro ba’an oo daba dheeraaday kuwaasoo loo sababeeyey roob yaraan ka dhalatay isbedelka cimilada ee saameeyey dunida.
Xafiiska Shabakada Allbanaadir.com
Muqdisho Somalia
Allbanaadir@live.com
