Madaxweynaha Jamhuuriyada Federaalka Soomaaliya Maxamed Cabdulaahi Farmaajo iyo Wafdi uu hogaaminayo ayaa gaaray magaalada Asmara ee caasimada dalka Eritrea, waxaana halkaasi si diiran ugu soo dhaweeyay madaxda ugu sareysa dalkaasi.
Wafdiga Madaxweyne Farmaajo waxaa garoonka diyaaradaha magaalada Asmara uga hortagay si weyna ugu soo dhaweeyay Madaxweynaha Eritrea Assias Afwerki iyo masuuliyiin kale oo katirsan dowlada dalkaasi.
Madaxweyne Farmaajo soo dhaweynta kadib ayaa isaga iyo wafdiga la socda waxaa loo galbiyay gudaha magaalada Asmara, waxaana la filayaa in halkaasi kulamo kula qaataan Madaxda dalkaasi.
Farmaajo ayaa inta uu ku suganyahay Asmara waxa uu wada hadallo la qaadan doonaa dhiggiisa dalka Eriteriya Mudane Asias Afawerki, waxaana diiradda lagu saarayaa iskaashiga labada dal ee dhinacyada dhaqaalaha, nabadgelyada iyo guud ahaan xasilloonida gobolka.
Xafiiska Shabakada Allbanaadir.com
Muqdisho Somalia
Allbanaadir@live.comÂ
