Guddoomiyahi degmada Jalalaqsi Maxamed Dabaashi iyo Masuuliyiin kale ayaa la soo sheegaya iney ku dhinteen qaraxyadii galabta ka dhacay degmadaas.
Qaraxa ayaa la sheegay in loo adeegsaday gaari waxyaabaha laga soo buuxiyey oo lagu weeraray xarun ay degmadaas ku leeyihiin ciidamada ATMIS ee ka socda Jabuuti.
Geeridiisa ayaa waxaa xaqiijiyey Madaxweynihii hore ee Hirshabelle Cali Cabdullaahi Cosoble
“Allaha u naxariisto Guddoomiyihii hore ee Degmada Jalalaqsi Maxamed Nur Cagajof – Dabashe ayaa ku dhintay qarax ka dhacay degmada Jalalaqsi. Intuu ifka uga tagayna samir iyo iimaan Allah ka siiyo” ayuu Cali Cabdullaahi Cosoble oo qoraal soo dhigay baraha bulshada.
Khasaare dhimasho iyo dhaawac leh ayaa ka dhashay qaraxan kaasoo soo gaaray askar iyo dad shacab ah oo goobtaas ka dhowaa
Qaraxan ayaa dhacay wax yar ka dib markii qarax weyn oo gaari loo adeegsaday lagu burburiyey buundadii degmada Buulo Burte oo isku xireysay magaalada Muqdisho iyo gobolada dhexe.
