Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre iyo wafdiga uu hoggaaminayo ayaa caawa waxaa casho sharaf u sameeyay Madaxweynaha Dowlad Deegaanka Somaalida, Mudane Mustafa Muxumed Cumar.
Munaasabadda casho sharafta oo ka dhacday xarunta Madaxtooyada, ayaa hadallo kooban oo ay ka jeediyeen Ra’iisul Wasaaraha iyo Madaxweynaha waxay si gaar ah uga hadleen qaabka labada dhinac ay isaga kaashan karaan dagaalka lagu ciribtirayo kooxda Khawaariijta ah.
Ra’isul Wasaaraha Soomaaliya Xamse Barre ayaa sheegay in xukuumaddiisa xoogga saareyso dagaalka ka dhanka ah Al Shabaab, waxa uuna xusay in kooxdaasi halis ku tahay amniga Soomaaliya iyo dalalka dariska ah.
