Allbanaadir.com
NEWS

Wasiir Shaaciyay sida Al Shabaab ku helaan xogta Kunteenarada Alaabaha ku raran ee Dekadda Muqdisho laga soo dejiyo

Kooxda Al Shabaab ayaa la sheegay in ay lacago canshuur ah ka qaado ganacsatada Soomaaliyeed ee badeecadaha kala duwan kala soo dega dekadda Muqdisho, waxa ayna Al Shabaab helaan xogta ganacsade walbo alaabta usoo degta iyo inta ay ku fadhiyaan.

Wasiirka ganacsiga iyo warshadaha Xukuumadda Soomaaliya Mudane Cabdirashiid Jabriil, oo maanta warbaahinta kula hadlay Muqdisho ayaa sheegay in kooxda Al Shabaab loo gudbiyo xogta alaabaha u raran ganacsatada Soomaaliya ee alaabaha lasoo dega.

Waxa uu sheegay wasiirka in ay marar badan soo gaartay cabasho uga timid ganacsatada Soomaaliyeed, uu tilmaamay in xogtooda inta uusanba markabka agabka u wada kasoo dhaqaaqin Shiinaha ama meelo kale lala wadaago Al Shabaab.

Wasiirka ayaa sheegay in xogta alaabaha u raran ganacsatada Soomaaliyeed Al Shabaab u gudbiyaan maraakiibta nimanka ka shaqeeya, waxa uuna xusay in cabasho laga keenay shirkadaha maraakiibta leh qaarkood hadda gacanta ku hayaan.

Dowladda Soomaaliya gaar ahaan wasaaradda dekadda iyo gaadiidka ayuu ugu baaqay wasiirka in tallaabo ka qaado waxna ka qabato qolyaha maraakiibta u kireesan ee xogta ganacsatada la wadaaga Al Shabaab.

Xafiiska Shabakada Allbanaadir.com
Muqdisho Somalia
Allbanaadir@live.com

 

ganacsiga

Related posts

(Daawo Sawirro) Tababare reer Galbeed ah oo loo Magacaabay Xulka Qaranka K/Cagta Somalia

Caydiid Ali

Madaxweyne Museveni oo arrin khalad ah ku tilmaamay gooni isu taaga Somaliland

Caydiid Ali

Jubbaland oo ka hor timid go’aan ka soo baxay Xukuumada Somalia (Akhriso)

Caydiid Ali
Taboola Ads ---