Maxkamad ku taalla Ugandha ayaa xukuno kala duwan oo adag ku riday askar ka tirsaneyd ciidamada AMISOM oo dilal dad shacab ah iyo xad gudubyo kale ka geystay Somalia
Maxkamada racfaanka ayaa xukun daldalaad ah ku xukuntay 2 askari oo ka tirsan ciidamada Uganda ee ka howlgalay Soomaaliya ka dib markii lagu helay inay si bareer ah u laayeen 8 qof oo shacab ah oo ku sugnaa gobolka Sh/hoose.
Labada askari oo lagu kala magacaabo Captain Charles Asiimwe iyo Edison Bwambale ayaa ka mid ahaa 5 askari oo lagu helay todobo dambi oo dil ah, kaasoo ay ku riday maxkamadda ciidamada qalabka sida ee Ugandha, bishii Nofembar ee sanadkii 2021-kii xilli ay ku sugnaayeen Muqdisho.
Asimwe iyo Bwambale ayaa lagu xukumay dil, halka saddexda askari ee soo hartay oo kala ah Alexander Babu, Lance Corporal Phillip Ichumar iyo Private Kerere Tushemereirwe lagu xukumay min 39 sano oo xabsi ciidan ah
Maxkamada racfaanka ayaa laashay xukun dil ah oo sadexda nin ee dambe lagu riday, waxayna ugu bedeshay xariga 39ka sano ah oo u dhigma xabsi daa’in.
Xafiiska Shabakada Allbanaadir.com
Muqdisho Somalia
Allbanaadir@live.com
