Fagaaro ku yaalla degmada Saakow ee gobolka Jubbada Dhexe ayaa waxaa lagu toogtay lix nin oo Al-shabaab ay ku eedeeysay inay la Shaqeeynayeen Sirdoonka Mareykanka.
Goobta waxaa ku sugnaa boqolaal ka mid ah Shacabka degaanka oo Al-Shabaab ay ku amreen inay daawadaan sida ay u dhaceyso toogashada.
Ragga ay Al-Shabaab goobta fagaaraha ah ku toogteen oo u badan Dhalinyaro ayaa laga soo qabtay degaano kala duwan oo ka mid ah gobolada dalka waxayna kala yihiin
1-Cabdullaahi Cabdixmaan Ibraahim (Dalmar) oo Shabaab ku eedeeyeen inuu la Shaqeynayay Sirdoonka Mareykanka, isla markaana uu gudbiyay xogta Saraakiil ka tirsan Al-Shabaab.
2-Xassan Maxamed Aadan (Mustaf) oo isna lagu eedeeyey inuu la shaqeynayay Sirdoonka Mareykanka, isla markaana qeyb ka ahaa duqeyn ka dhacday degmada Saakow.
3: Cabduqaadir Maxamed Sheekhey Cali (Buule) oo Al-Shabaab ku eedeeyeen inuu qeyb ka ahaa duqeyn ka dhacday degmada Saakow uuna la shaqeynayay Sirdoonka Mareykanka.
4-Xasan Cali Xaaji C/raxmaan, waxaana Shababaab ku eedeeyeen inuu diyaariyay duqeyn lala beegsaday Saraakiil ka tirsan kooxdasa, sidoo kalena uu gudbiyay xogta rag kale oo ka tirsan Al-Shabaab.
5-Cabdisalaan Ibraahim Maxamed (Shaalle), kaasoo ay ku eedeeyeen inuu la Shaqeynayay Sirdoonka Mareykanka uuna gudbiyay xogta Saraakiil ka tirsan kooxda Al-Shabaab.
6-Cabduqaadir Xuseen Cabdi oo loo yaqaanno (Gobol) oo Al-Shabaab ay ku eedeeyeen inuu qeyb ka ahaa weerar iyo duqeyn ka dhacday degmada Saakow oo lagu qaarajiyey saraakiil ka tirsan kooxdaas.
