Allbanaadir.com
MUQDISHONEWS

Afhayeenka Guud ee Al-Shabaab oo ka hadlay dagaalkii ka dhacay degaanka Yasooman

Afhayeenka guud ee kooxda Al-Shabaab  Cali Maxamuud Raage (Cali Dheere) ayaa ka hadlay dagaaladii maanta ka dhacay degaano ku yaalla duleedka degmada Buulo Burde ee gobolka Hiiraan kuwaasoo dhexmaray ciidamada Huwanta iyo dagaalyaanada Al-Shabaab.

Cali dheere ayaa sheegay in dagaalkaas ay guulo ka soo hoyeen ciidamada Al-shabaab ayna cagta mariyeen saldhigyo ciidamada Huwantu ku lahaayeen degaanada Yasooman iyo Beero yabaal ee gobolka Hiiraan.

Waxaa uu sheegay in dagaalkaas ay ku laayeen 117 ka tirsan ciidamada dowlada iyo kuwa qabaa’ilka ee isbaheystay, isagoo intaas ku daray iney ka qabsadeen 9 gaari oo ay ku jiraan kuwa Gaashaaman.

“Waxaan bogaadin iyo hambalyo u direynaa qabaa’ilka garab istaagay mujaahidiinta, waxaad muujiseen walaalnimada Islaamka, anagoo ilaahay uga rajeynaynaa inuu khayr ku abaal mariyo” ayuu yiri afhayeenka oo aan sheegin magacyada qabaa’lka ku taageeray dagaalka.

Cali dheere ayaa Baaq iyo digniin u diray ciidamada dowlada iyo qabaa’ilka dagaalka kala soo horjeeda Al-shabaab.

“Qof kasta oo ku kadsoomay dagaalka, haddii ay ahaan laheyd qabaa’il iyo shaqsiyaad culimo iyo caamaba, waxaana ugu baaqeynaa iney ilaahay u towbad keenaan, waxaana uga digeynaa iney ku kadsoomaan hagardaamooyinka Xassan Shiikh iyo kooxdiisu ay maleegayaan” ayuu yiri Cali dheere.

Waxaa uu sheegay in dagaalka socda uu yahay mid shareecada islaamka looga soo horjeedo, ayna gadaal ka riixayaan wax uu ugu gaalo iyo gaalo raacyo isbaheystay oo doonaya in xukun aan aheyn kan islaamka lagu maamulo dalka.

Hadalka Cali Dheere oo lagu baahiyey baraha bulshada ayaa meesha ka saaraya warar maalmahan ay tebineysay warbaahinta dowlada qaarkood oo sheegayay inuu ku geeriyooday dagaalkii dhowaan ka dhacay degaanka Ceel qooxle ee gobolka Hiiraan

Related posts

Xildhibaanada Baarlamaanka Galmudug oo ansixiyey degmooyin cusub (Sawirro)

Caydiid Ali

Cabdi Bille oo maanta kasoo dhax muuqday Orodkii lagu qabtay Muqdisho (Daawo Muuqaal)

Cabdi Cade

Wasiir Mukhtaar Roobow oo la kulmay Culumaa’udiin, (Muxuu kala hadlay)

Cabdi Cade
Taboola Ads ---