Wasiirka Wasaaradda Waxbarashadda, Hiddaha iyo Tacliinta Sare mudane Farah Sheekh Cabdulqaadir oo wakiil ka ah bahda Waxbarashadda iyo dhammaam ardayda Soomaaliyeed, ayaa hambalyo u diray Madaxweynaha JFS Mudane Dr. Xasan Sheekh Maxamuud, oo ka mid ahaa ardaydii ku guulaysatay qaadashada shahaadada PhD.
Wasiirka ayaa tilmaamay in madaxweyne Xasan Sheekh ku astaysan yahay hoggaamiye aan marna illoobin qiimaha qalinka iyo buugga duruuf kasta oo uu ku jiro, taasi oo dhiiragilin u ah dhammaan bulshada qallinleeyda ah,
“Mudane Madaxweyne, waxaad tusaale u tahay da’yarta, da’weynta iyo dhammaan bulshada Soomaaliyeed ee jecel waxbarashadda adigoo aaminsan in waxbarashaddu tahay furaha nabadda, horumarka iyo hoggaaminta toosan”.
Ugu dambeyn Wasiirka Waxabarashadda JFS Mudane Faarax Sheekh C/qaadir ayaa bahda Waxbarashadda ku ammaanay dadaalada aan caajiska laheyn oo ey ku bixinayaan Waxbarashadda.
Xafiiska Shabakada Allbanaadir.com
Muqdisho Somalia
Allbanaadir@live.com
