Wareegto kasoo baxday xafiiska taliyaha ciidanka booliiska Soomaaliya S/Gaas Cabdi Xasan Maxamed (Xijaar) ayaa lagu magacaabay taliyaha cusub ee qeybta ciidanka booliiska ee Gobolka Banaadir.
Sida ku cad wareegtada kasoo baxday taliyaha ciidanka booliiska Soomaaliya ayaa G/sare Mahadi Cumar Muumin loogu magacaabay in uu noqdo taliyaha cusub ee booliiska qeybta Gobolka Banaadir.
Taliyaha cusub ee loo magacaabay qeybta booliiska ee Gobolka Banaadir ayaa horey usoo ahaa taliyaha ciidamada Nabad Sugida Galmudug, waxaana taliyaha lagu bedelay Jeneraal Farxaan Qaroole oo dhawwaan qarax ka dhacay Basra lagu dilay.
Madaxweynaha dowlda Goboleedka Galmudug Maxamed Cabdi Kaariye iyo xildhibaanada kasoo jeeda beesha Saleebaan ayaa ku cadaadiyay Madaxweyne Xasan Sheekh in sargaalkan loo magacaabo taliyaha booliiska gobolka Banaadir.
Saddexdii taliye ee ugu dambeeyay ee booliiska gobolka Banaadir ayaa dhammaan kasoo wada jeeda beesha reer Xaaji Saleemaan, waxaana magacaabistan imaaneysa xilli la hadal hayo in dhawwaan xilka laga qaadayo taliyaha booliiska Soomaaliya Jeneraal Xijaar.
Xafiiska Shabakada Allbanaadir.com
Muqdisho Somalia
Allbanaadir@live.com
