Xildhibaan ka tirsan Golaha shacabka Baarlamanka Somalia ayaa ku eedeeyey Gudoomiyaha golaha Shiikh Aadan Madoobe inuu u aaday dalka Netherland arrimo la xiriira sharciga jinsiga
Xildhibaan Dayah Ahmed Omar ayaa intaas ku daray in Shiikh Aadan Madoobe ay casuumeen kuwo u ololeeya arimaha jinsiga, si gaar ahna xuquuq ugu raadiyo khaniisiinta iyo kuwa la halmaala (LGBT).
“Waxaan rabaa inaan ka hadlo safarka gudoomiye Adan Madoobe ee maanta ugu amba baxay dalka Netherland safarka Gudoomiyaha waxaa ku gadaaman tuhunno laxiriira sharciga jinsiga iyadoo aan ognahay hay’adaha casuumay ay yihiin kuwo u ololeeya arimaha jinsiga, si gaar ahna xuquuq ugu raadiyo khaniisiinta iyo kuwa la halmaala (LGBT)” ayuu yiri
Dayah Ahmed Omar ayaa ugu baaqay qeybaha bulshada iney uga digaan Shiikh Axmed madoobe arrimaha uu lugaha la galayo.
“Gudoomiye Adan, waxa aan uga digayaa wax waliba oo ka hor imaanaya diintena suuban iyo dhaqankeena Soomaaliyeed ee 100% muslimiinta ah, Culimada, waxgaradka iyo madaxda kale ee masuuliyadda ka saaran tahay ilaalinta sharafka iyo diinta umaddaan waa in ay uga digaan gudoomiye Aadan wax walba oon asal u laheyn umadaan” ayuu yiri Dayah Ahmed Omar
Hase ahaatee waxaa hadalkan beeniyey la taliyaha Guddoomiyaha golaha shacabka Maxamed Xasan Idiris oo intaas ku daray in Shiikh Aadan Madoone aysan casuumin heyad balse uu casuumad ka helay dhigiisa dalka Netherland.
“Gudoomiyaha safarkiisa ma’ahan mid qarsoodi ah Waa safar ku yimid casumaad uu ka helay dhigiisa Netherlands Mana jirto hay’ad casuuntay gudoomiyaha iyo wafdigiisa oo ka kooban Xildhibaano. Xildhibaanka warkaan shaaciyay waxan leeyahay mas’uuliyada aad hayso iyo waxa aad qorayso ha is yeeshaan. Gudoomiye Sheekh Aadan xor ayuu u yahay inuu xusho cida Safarka Ku wehlinayso ee Mudane Xildhiban safarada waa ay badanyihiin waana baxaysa safarada soo socda Insha allah” ayuu yiri Maxamed Xasan Idiris.
Xafiiska Shabakada Allbanaadir.com
Muqdisho Somalia
Allbanaadir@live.com
