Wasaaradda Waxbarashada Hiddaha iyo tacliinta sare ee Xukuumadda Soomaaliya ayaa xalay shaacisay natiijada imtixaanka Shahaadiga dugsiyada sare ee dalka Sanad dugsiyeedka 2017- 2018, kaasi oo la fariistay bishii Maarso ee Sanadkan.
Wasiirka Waxbarashada, Hiddaha iyo tacliinta sare ee Xukuumadda federaalka Soomaaliya, Mudane C/raxmaan Daahir Cusmaan ayaa sheegay sanadkan Imtixaanka shahaadiga ee dugsiyada sare ee dalka inay u fariisteen 25,675 isagoo xusay in tirada Imtixaanka ka gudubtay ay tahay 20,030 arday.
Hase ahaatee arday fara badan ayaa cabasho ka muujiyay qaladaad ay sheegeen iney ku jiraan natiijada imtixaanka ee xalay la shaaciyey, waxayna xuseen iney cabashadooda geyn doonaan xafiiska imtixaanaadka ee Wasaarada Waxbarashada.
Ardayda qaar ayaa ku cabanaya in loo qoray imtixaanka iney ku dhaceen, iyadoo arday ka buundo hooseysa ay gudbeen.
Qaladadaadka yaabka leh ee ku jira natiijada la shaaciyey ayaa waxaa ka mid ah labo arday oo keenay buundooyin isku mid ah, in midna loo qoray inuu gudbay, kan kalena dhacay.
Qaar kale oo ka mid ah ardayda ayaa ku cabanaya iney dhaceen iyagoo la yimid natiijo ka badan %60 oo ah halka ugu hooseysa ee lagu saxayey imtixaanka.
Xafiiska Imtixaanaadka ee wasaarada waxbarashada ayaan ka hadlin sababaha keenay qaladadaadka ay ka cabanayaan ardayda qaarkood.
Xafiiska Shabakada Allbanaadir.com
Muqdisho Somalia
Allbanaadir@live.comÂ
