Wafdi ka socday hey’adaha QM ee ka shaqeeya horumarinta magaalooyinka iyo gargaarka ayaa maanta gaaray magaaladda Maxaas ee gobolka Hiiraan.
Waxaa hogaaminayay Xildhibaan Maxamed Buraale iyo wasiirka Arrimaha Gudaha Hirshabeelle Cabdi Daahir Karoore, iyadoo degmada Maxaas ay ku soo dhaweeyeen Maamulka degmada iyadoo kadib kulan la qaatay qeybaha kala duwan ee bulshada iyo waxgaradka magaaladaasi.
Ujeedka Wafdigaan ayaa ahaa sidii kormeer ay ugu sameyn lahaayeen nolosha dadka deegaanka iyo sidii dib u dhis loogu sameyn lahaa xarumaha dowladda ee ku yaala magaaladaas iyo ceelashii biyaha ee dhawaan ay gubeen Al shabaab.
Waa Wafdigii ugu horeeyay ee ka socda hey’adaha caalamiga ah iyo saxibada Soomaaliya ee gaarka degmada Maxaas ee gobolka Hiiraan kadib markii deeganada ku dhow dhow iyo wadooyinka gala magaaladaasi laga saaray Al shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
