Meydadka labo Muwaadin oo Soomaali ah ayaa saaka laga helay dukaankood oo ku gubtay Tuulo hoos timaada magaalada Queenstown ee Gobolka Eastern Cape.
Qaar ka mid ah Soomaalidii gaartay dukaanka laga helay meydadka labada Muwaadin ayaa sheegay in lagu kala magacaabi jiray Aadan Abdi Saney iyo Abdi Mohamed Aadan.
Ma cadda ilaa iyo hadda sababta dabka dhalisay laakiin waxaa loo badinaya in dukaanka lagu gubay labada Muwaadin xili habeenimo ah oo ay jiifeen.
Laamaha amaanka ee dowlada sida booliska, Waaxda dambi baarista iyo sidoo kale waaxda caafimaadka dowlada hoose ayaa haatan baaraya sababta dhalisay dabka galaaftay geerida labada muwaadin ee Soomaalida ah.
Waddanka koonfur Afrika waxaa ku nool kumanaan Soomaali ah oo si joogto ah ula kulma tacadiyo ay ka mid yihiin Dil, iyo dhac ay geystaan burcad hubeysan iyo dad kale oo soo galootiga neceb.
Xafiiska Shabakada Allbanaadir.com
Muqdisho Somalia
Allbanaadir@live.com
