Cabdisamad Liibaan Maxamed oo magaciisa afgarashada ku sheegay (CabdiMaalik) ayaa isku soo dhiibey ciidamada qalabka sida ee fadhigoodu yahay Dhuusamareeb.
Cabdimaalik oo sheegay inuu Al-Shabaab u qaabilsanaa keydinta macluumaadka saldhiga Ceelbuur ayaa la soo goostay qori noociisu yahay Ak-47.
Waxaa uu sheegey inuu Al-shabaab kaga biirey magaalada Muqdisho oo laga kaxeeyey 3 sano ka hor isagoo ah arday dhigta dugsiga sare, markaas kadib waxa uu tababaro ku qaatay meelo kala duwan.
Dhaqamada foosha xun iyo duruufaha adag ee soo wajahay Al-shabaab awgood ayuu sheegey inay isaga ku qasabtay inuu soo baxsado iskuna soo dhiibo ciidanka DF.
Al-shabaab ayaa waxaa todobaadyadan ay dagaalo culus kaga furan yihiin gobolada dhexe ee dalka gaar ahaan Hiiraan iyo Galgaduud.
Xafiiska Shabakada Allbanaadir.com
Muqdisho Somalia
Allbanaadir@live.com
